Вести

Премиера полна до последно седиште – „Преекспонирано“

Премиерата беше исполнета до последното седиште, а по завршувањето на проекцијата екипата заслужна за продукцијата на филмот беше дочекана со овации.

Посетителите имаа прилика да ги видат оригиналните фотографии кои се користат во филмот и се изработени со аналогни фототехники и со користење на „ Ефектот Сабатиер“, односно „соларизираниот“, т.е. „преекспонираниот“ ефект по кој филмот го добива своето име.

На коктелот посетителите имаа прилика лично да им честитаат на режисерот, продуцентот, актерската екипа и останатите филмски работници, како и да уживаат во живата изведба на авторските нумери од филмот од авторот Лео Поповиќ а.к.а. Долорес.

Read More›
in Премиери / Преекспонирано

ПРЕЕКСПОНИРАНО на KinEest Fest во Катанија, Италија

Македонскиот филм „Преекспонирано“ на Елеонора Венинова ќе се натпреварува во официјалната главна селекција на фестивалот КинЕст фест 2023 кој ќе се одржи во Катанија, Италија.

Ова е трето издание на фестивалот кој е фокусиран на кинематографијата на Источна и Централна Европа, а ќе трае од 5 април до 30 мај. Фестивалот освен филмски премиери одржува и многубројни специјални настани, работилници, настапи во живо, ретроспективи  и мастеркласови посветени токму на кинематографијата од нашиот регион.

Премиерата на „Преекспонирано“ на овој фестивал ќе се одржи на 7 и 8 мај, а режисерката Елеонора Венинова ќе одржи и работилница.

 

in Фестивали / Преекспонирано

🎉Нов филм на повидок…. се завршува “Мала Шега”!🎞

Во Загреб во студиото на Eclecita се правеше колоркеција на “Мала Шега”, филмот на Трифун Ситниковски. Филмот ќе доживее премиера набрзо на голем фестивал наменет за кратки филмови.

in Мала Шега

„Преекспонирано“ дел од European Film Market

Преекспонирано дел од European Film Market – EFM како дел од Berlinale – Berlin International Film Festival преку The Open Reel од 16ти до 21ви Февруари
in Преекспонирано

Азиска премиера на ПРЕЕКСПОНИРАНО на Меѓународниот филмски фестивал во Пуна

PIFF – Меѓународниот филмски фестивал во Пуна го пречекува Things Unsaid / Преекспонирано меѓу специјално избраните најдобри филмови од целиот свет во селекцијата Глобално кино на неговото 21-во издание.
Ова ќе биде прва премиера на азискиот континент и ќе трае од 2 до 9 февруари.
🎬🎟🍿
in Фестивали / Преекспонирано

Оргинална музика за филмот Преекспонирано достапна на нет.

Оригиналната музика од Lindsay Wright за филмот Преекспонирано сега можете и да ја слушнете на спотифај на следниот линк OST THINGS UNSAID
Голема благодарност до Линдзи и нејзиниот тим од Natalia Tsupryk, Deryn Cullen и Rupert Coulson за прекрасната соработка.
Уживајте 🎼🎬
in Преекспонирано

Музиката за “Преекспонирано” на ританското радио “Скала”.

Дел од нумерите од оригиналната музика за “Преекспонирано” која ја напиша композиторката Линдзи Рајт, беа пуштени на денешната емисија на Марк Кермод на британското радио “Скала”. Со нејзини зборови: “Од големо значење ми е да се најдам на листа меѓу дел од моите херои од филмскиот музички свет!” – Lindsay Wright 🎼

in Преекспонирано

Рецензија за Преекспонирано од Дејвид Кац за Синеуропа.

„…Уште од првите моменти во нејзиниот дебитантски долгометражен филм, станува јасно дека режисерката Елеонора Венинова има дарба за поставување на пасивно-агресивна драматуршка структура.
Имајќи го ова предвид, во „Преекспонирано“ (анг. ‘Things Unsaid’), кој имаше премиера во Официјална конкуренција на Интернационалниот фестивал во Каиро, драматуршките моменти полека се крчкаат, наместо да експлодираат, а сценариото на Венинова умешно го истражува потенцијалното значење на насловот (н.з „некажани нешта“ во буквален превод од англиски) без притоа да западне во голи ирони
и. Но, додека проблематичната тинејџерка Маја (Сара Климоска), на почетокот делува како катализатор кој ја нарушува нивната домашна хармонија, таа понатаму на еден нежен начин ја поттикнува двојката да се распадне по сопствена вина. Во нејзината нелагодна улога на ќерка или внука, наместо на семејна пријателка (особено во моментите кога флертува со двајцата), Маја делува помудро и поослободено токму заради нејзината способност да не ги остави работите некажани. “
in Рецензии / Преекспонирано

Одлична премиера на Преекспонирано на Каиро ИФФ

Одлична премиера на Преекспонирано на Интернационалниот фестивал во Каиро проследена со прашања од публиката. Заради големиот интерес, режисерката, актерите и продуцентот на филмот одговараа на многубројните прашања од публиката дури и по завршувањето на официјалниот дел.

 

 

in Фестивали / Преекспонирано

„Преекспонирано“ на Венинова во официјалната конкуренција на Фестивалот во Каиро

 

Светската премиера на дебитантскиот филм на Елеонора Венинова „Преекспонирано“ ќе биде во ноември, во официјалната конкуренција на 44. Интернационалeн филмски фестивал во Каиро. „Преекспонирано“ кој се одржува од 13 до 22 ноември. „Преекспонирано“ е меѓу 14-те филма од цел свет што ќе се натпреваруваат во официјална конкуренција

 

in Фестивали / Преекспонирано

ДНФ Филмс партнер со Вардар Филм во три краткометражни филмови

Денеска, во просториите на НУФЦ „Вардар Филм-Скопје, на наше огромно задоволство, меѓусебно потпишаа меморандум за соработка НУ Филмски Центар „Вардар филм – Скопјеˮ, застапуван од директорот г-дин Сани Саиди и Друштво за филмска продукција, ДНФ ФИЛМС, застапувано од продуцентот Гоце Кралевски.
⏭️ Овој меморандум нуди взаемна соработка и партнерство на филмските проекти, со работени наслови „Раѓање“ во режија на Милена Витман, „Мала шегаˮ на Трифун Ситниковски, „Прошетка” во режија на Елеонора Венинова, во соработка со Три Точки, поддржани од Агенција за филм на Република Северна Македонија.
in Раѓање / ДНФ Филмс / Мала Шега